ដំណើរទស្សនកិច្ចសិក្សាទៅសារមន្ទីរខេត្តតាកែវ

នៅថ្ងៃទី ១៥ ខែកុម្ភៈ ឆ្នាំ២០២៣ គណៈគ្រប់គ្រងនៃសាលារៀន អន្តរទ្វីប អាមេរិកាំង សាខាតាកែវ បានរៀបចំដំណើរទស្សនកិច្ចសិក្សាលើកទី២ សម្រាប់សិស្សថ្នាក់ទី៣ ដល់ទី៦ទៅកាន់សារមន្ទីរខេត្តតាកែវ ដើម្បីឱ្យសិស្សានុសិស្សក្រៅអំពីការរៀននៅក្នុងថ្នាក់ជាមួយគ្រូ បានទៅសិក្សាស្រាវជ្រាវ ពីប្រត្តិសាស្រ្ត វប្បធម៌ អរិយធម៌នៅតាមរមនីយដ្ឋាន ប្រាសាទ ឬសារមន្ទីរនានាដើម្បីឱ្យសិស្សានុសិស្សទទួលបានចំណេះដឹងថ្មីៗបន្ថែមទៀត។ ក្នុងនោះផង ក្រោមការសហការពីអ្នកពាក់ព័ន្ធ ក៏ដូចជាលោកគ្រូ អ្នកគ្រូរបស់សាលាផងដែរនោះ បានធ្វើឱ្យដំណើរទស្សនកិច្ចសិក្សាបានប្រព្រឹត្តិដោយជោគជ័យ ហើយសិស្សានុសិស្សបានចូលទៅសិក្សាស្រាវជ្រាវពីប្រវត្តិសាស្រ្ត និងវត្ថុបុរាណផ្សេងៗដែលមានដាក់តាំងក្នុងសារមន្ទីរ។

បន្ទាប់ពីបានទស្សនារួចមក សិស្សានុសិស្ស ក៏ដូចជាលោកគ្រូ អ្នកគ្រូបានគោរពថ្លែងអំណរអរគុណដល់បុគ្គលិក និងក្រុមការងារនៅសារមន្ទីរ ដែលបានអនុញ្ញាតិ និងធ្វើបទបង្ហាញមកប្អូនៗ ដើម្បីជាប្រយោជន៍ក្នុងការសិក្សារៀនសូត្រ និងបានយល់ដឹងពីវត្ថុបុរាណមានអាយុកាលរាប់រយឆ្នាំ ដែលបន្សល់ទុកតាំងពីដូនតាមក។

    

សកម្មភាពផ្សេងៗ សូមចុចលើតំណភ្ជាប់ខាងក្រោម៖

https://www.facebook.com/ais.mjqeducation/photos/pcb.6449380008427223/6449370128428211

ថ្ងៃទី១៥ ខែកុម្ភៈ ឆ្នាំ២០២៣

អត្ថបទទាក់ទង